ساعات بنتوه .. و نمشي طريق
يكون ضلمه و مفهوش و لا نجمة
و يبقى أليم .. شعور بالضيق
و جوه نفوسنا فيه عـتمه
تتوه روحنا .. و لا نعرفش فين روحنا
نقوم نرجع .. بعين تدمّع
ننادي يارب .. مشينا ف درب
فيه تهنا
و شيلنا الذنب .. ساعات بالغصب
و أحياناً بإيدنا إحنا
و لولا الحب .. و نور ف القلب
لكان الجرح يدبحنا
يارب عظيم .. غفـور و رحيم
تهدي نفوسنا و جروحنا
خلاص هنتوب .. و نلبس توب
في لون أبيض يفرحنا
يارب خلاص .. هنرجع ناس
و نتلاقى بأرواحنا
و بالإحساس .. بكل إخلاص
بندعي يارب
تسامحنا
