قوليلي إنت جيتي منين؟
و وياكي هروح على فين؟
يا أحلى عنين
مشفتش زي منها إتنين
قوليلـي بجد معقوله
تكون المره دي الأولى
ما حسش إني وحداني
و أخاف لتضيعي من تاني
قوليلي بجد ليه ممكن
معايا و تبقي واحشاني
قوليلي دا الجواب يمكن
يكون بلسم لأحزاني
و أعرف منه أبقى أنا مين
و مين إنت
و فين كنت
و ليه ألقاك دلوقتي
و ليه ما جيتيش قبل سنين
قوليلي أفرح و لا أبقى حزين
قوليلي ياريت و ما تخبيش
قدرت إزاي بدونك أعيش
و ليه من بدري ما لقتكيش
قوليلي إزاي ف غمضة عين
جمع بينا غرام و حنين
و إيه خلانا ف دقيقتين
بِـتمنى نكون حبيبين
ما تفصلش حدود بينا
و نتلاقى ف أحلامنا
نرجع اللي راح منا
و نمسح دمع ملا عينا
قوليلي إزاي تخيلنا
نعود تاني بأيامنا
ف أفراحنا و أوجاعنا
طريق واحد بيجـمعنا
قوليلي ليه ف أقدارنا
و ف المكتوب على جبينا
ماهيش بإدينا مصايرنا
و لا لقانا ولا وداعنا
و ليه أنا وإنت مش قادرين
نلاقي إجابِة السؤالين
جتيلي منين؟
و وياكي هروح على فين؟
