قصائد متنوعة - الأكثر قراءة

بخاف أكتب

Hits: 2271
Star InactiveStar InactiveStar InactiveStar InactiveStar Inactive
 


بخاف أكتب .. و أخاف أسكت
و لا لاقي اللي يفهمني
حقيقي يا صاحبي صدقني
ياريت فيه وقت تسمعني
مش إنت تبوح و توجعني
و كل ما أروح ترجعني
و تطرحني و تجمعني
و تقسمني كمان نصين
و في الآخر تقولي أروح؟
دا أنا ممكن تفوتني الروح
لكن ماشي .. و حلفتك ما تنساشي
تقولي إزاي و أروح على فين
و قولي الأول أمشي منين
و فيه عندي كمان شرطين
يا تيجي معايا بقى يا بلاش
لوحدي السكه معرفهاش
و من غيرك مانيش منقول
دا حاله زمانّا مش معقول
خلاص إنسى قابيل و هابيل
بقى القاتل له ألف قتيل
و أصبح ليلنا عتمه طويل
بقينا نخاف من المعلوم و م المجهول
و م المقسوم و م الموصول
و شفنا العرض زي الطول
صبحنا ف دنيا زي الغول
أمان فيها خلاص ما بقاش
و كترت ناس ما نفهمهاش
و ناس فاهمينها راحوا ماجوش
و أنا زيك صديق ملقاش
كـتير حاولوا لكن ملقوش
هبِيع أملاكي لجلك كاش
عشان قلبك شبه مالهوش
أكون صاحبك دي حاجه بُغاش
في وقت الصدق فيه مغشوش

Add comment


Security code
Refresh