قصائد متنوعة - الأكثر قراءة

كلنا بشر

Hits: 3916

User Rating: 5 / 5

Star ActiveStar ActiveStar ActiveStar ActiveStar Active
 

 

مش مهم إيه ملامحي

كان فين ميلادي و لا عمري

مش مهم البشره قمحي

لونها أبيـض و لا خمري

دا أنت و أنا

نفس الحياه بتضمنا

و إنت و أنا

الأرض واحده أرضنا

مهما إختلفنا ف شكلنا

و لا أختلف بينا الزمان

كلنا بشر كلنا إنسان

و أبونا آدم كلنا

إنت و أنا

نختلف ف حروف كلامنا

و أما نحكي عن وطنا

ف اللي بِنشوفوا بعيونا

بس يفضل شئ ما بينا

إتفاقنا ف الكيان

كلنا بشر كلنا إنسان

و أبونا آدم كلنا

إنت و أنا

خبي لونك جوه لوني

خلي دمعك من عيوني

و إبتسامتي فوق شفايفَك

و تسامحني لو أخالفك

و إوعى تنسى مهما كان

كلنا بشر كلنا إنسان

و أبونا آدم كلنا

إنت و أنا

0
0
0
s2smodern

Add comment


Security code
Refresh