قصائد متنوعة - الأكثر قراءة

إبن آدم بس صوت

Hits: 2112
Star InactiveStar InactiveStar InactiveStar InactiveStar Inactive
 

 

الكلام كله ببلاش

الكلام ما لهوش حدود

و إبن آدم مهما عاش

إبن آدم بس صوت

و اللي جه و اللي ما جاش

كله لازم يوم يموت

و اللي واكلين البُغاش

بكرة يبقوا أكل دود

صدقوني ما بِدهاش

كله زايِل الوجود

النهايه توب قماش

و تدارينا اللحود

حد فيكم شاف طريق

مهـما طوِّل ما أنتهاش

حد يعرف كام صديق

من حياته ما أختفاش

نفسي رد يبل ريق

يروي قلبي العطاش

نفسي ألقي أي شِئ

حاجه واحدة منسهاش

أو أقابل يوم برئ

طول سِنِينه ما أفتراش

شفت حلمي إزاي جرئ؟

بس لسه ما أبتداش

ما الكلام كله ببلاش

الكلام ما لهوش حدود

و إبن آدم مهما عاش

إبن آدم بس صوت

0
0
0
s2smodern

Add comment


Security code
Refresh