إنتفاضة الأشعار - الأكثر قراءة

ترامب طب

Star InactiveStar InactiveStar InactiveStar InactiveStar Inactive
 

ياكل الطغاه

في شرق و ف غرب

يامفتونين بجاه

مش مهمومين بشعب

زعيمكم ترامب

وقع خلاص وطب

وسابكم ف حيرة

وحوسة كبيرة

وأديكم بقيتم

ف ورطة ومطب

 

ترامب اللي كان طول أربع سنينه

عاملكم عرايس خيوطها ف إيدينه

شمالكم شماله ويمينكم يمينه

وتمشوا بأوامره

مهما فيكوا سب

 

وهو اللي جنبه رقصتوا بسيوفكوا

وطاطت قصاده تملي رؤوسكوا

كسرها عينيكوا وخدها فلوسكوا

وبرضه كلامكوا

عليه كان بحب

 

وهو اللي كانت صورتكوا وصورته

سواء هو زاركوا أو أنتوا اللي زورتوا

قوام تنشروها ف كل جرايدكوا

ويبقى ناقصها

برواز على شكل قلب

 

وأول مابانت نتيجته إنه ساقط

مشاعر غرامكوا وحب ترامب ماتت

وأول تهاني من طرفكوا راحت

بعتها اللي خايف

وعايش ف رعب

 

وبكرة هتنسوا كلامكوا القديم

بأن ترامب مبهر وحاكم عظيم

وبايدن ف عينكوا هيبقى حكيم

وطبعا وجوده

ف مصلحتكوا صب

 

هتملوا البرامج مباركة وتهاني

وييجي المحلل فلان الفلاني

يقولك دا أحلى رئيس أمريكاني

وأنه نجدكوا

خلاص م المدب

0
0
0
s2smodern

Add comment


Security code
Refresh