إنتفاضة الأشعار - الأكثر قراءة

كان ياما كان

Star InactiveStar InactiveStar InactiveStar InactiveStar Inactive
 

 

عشان كلمتنا مش حره

بنسكت مهما شفنا هوان

بكينا كتير كذا مره

ولسه هنبكي ياما كمان

دموع العين تسيل مره

و نغرق جوا ليل أحزان

و مهما نادينا على بكره

بصوت مخنوق ماهوش هيبان

لازم صوتنا يكون ثوره

ف وجه الظلم و الطغيان

و شِئ منا خدوه بقوه

يعود بالقِوه لو بإيمان

جبال بيروت تعود خضره

و يتحرر تراب لبنان

و صوت فيروز ف ضوء قمره

يغني لقدسنا الزهره

نحن لأرضها الطاهره

سلام على عيسى و العذرا

و صلوا ع للإقصى

بقدرة ربنا أسرى

عيدوها قِراية القِصه

شوفوها دمانا كام صفحه

و مين حرمونا م الفرحه

و مين خانّا و مين ضحى

و مين مصلحته ف القِسمه

و مين من جوه غير بره

و مين شايف و مين أعمى

و مين بيحارب الأمه

و مين غدار عنيه باصه

على الضفه و على غزه

على بغداد و ع البصره

و مين دبحونا يوم صابرا

و قانا الأولى و التانيه

و مين بِيهد ف ديارنا

و مين غاصب لأوطانا

و مين قايد ف نار بينا

عشان بإدينا نِقتِلنا

و نتصبَّح و نتمسى

مافِيش ف قلوبنا غير حسره

كِفايه جراح ماهِيش ناقصه

كمان بينا يكون خسه

بلاش الحقد ف نفوسنا

يغمي عنينا عن ناسنا

ندوس على بعض بمداسنا

و يملا الغل إحساسنا

ما نِرفعش سوا راسنا

و لا نحسش بيوم عزه

و لا يِبقالنا أي كيان

دا طول ما أحنا كدا فُرقّا

مافِيش بينا سلام و أمان

تضيع أراضينا مش فارقه

و لو مافضلش منها مكان

خلاص خدنا على الحُرقَّه

و حتى نسينا إيه إنسان

و كل وعودنا مش صادقه

و لا فيه لينا أي ميزان

ما عادش مروَّه و لا عبرَّه

و لا أتعلمنا يوم يا زمان

تاريخ أمجادنا بقى ذكرى

و بكره هنبقى كان ياما كان

0
0
0
s2smodern

Add comment


Security code
Refresh