أنا عارف إن إنتوا فهمتوا
بس عملتوا مفهمتوش
بعينيكم شوفتوها خيبيتكوا
بس داريتوا مابينتوش
والأغرب إن إنتوا سكتوا
ومقلتوش عليه إخوان
ولا قلتم قابض وبايعكوا
أو إنه معارض هربان
هتقولوا إيه بعد أما فضحكوا
على شاشة بكل الألوان
عراكم خالص وكشفكوا
واللي داريتوا عليه أهو بان
طلعت مش ثورة بتاعتكوا
إنما خطة رسمها شيطان
و ف التحرير كانت لمتكوا
تكاليفها على بني سلمان
دا كمان قال إن إنتوا قبضتوا
وسبتولهم صنافير وتيران
والنيل ضاع بسبب إمضتكوا
وماجاش بفايدة الحلفان
بس بكل صراحة شكركوا
في الحتادي طلع إنسان
هو يدوب جه شد ودانكوا
وعنده حاجات مداريها كمان
كان قاصد بس ينبهكوا
إن الكفيل زعلان
