بحبك يا مصر - الأكثر قراءة

حديد حلوان

Hits: 172
Star InactiveStar InactiveStar InactiveStar InactiveStar Inactive
 

مع إنك عمرك ماتطوله

ولا هتحصل فيه ولا ضافر

قولي إزاي فيه ناس بيقولوا

إنك تشبه عبد الناصر

طب يدونا أي دليل

ولا إشارة تخش العقل

الموضوع مش بالتطبيل

أو بكلام مجهول الأصل

عبد الناصر رغم عيوبه

ورغم حروب كان فيها الخاسر

سابلنا مصنع طوبّة من طوبُه

أغلى كتير م القطر الطاير

سبلنا قلعة بيها نفاخر

وصرح صناعي عظيم بتبيدُه

جيت وقفّت المكن الداير

والعامل قيدتهّا إيدُه

سابلنا هو حديد حلوان

وأنت إستراحاتك وقصورك

عبد الناصر عمره ماكان

زيك أي أمير بيسوقك

عبد الناصر رغم سجونه

وكرابيجه وزوار الفجر

كُنا تملي نشوف ف عيونه

العزة وكرامة مصر

عبد الناصر كان ليه هيبة

كنا بنسمع خُطبُه ف صمت

تشبهُه أنت إزاي بلا خيبة

وأنت يدوب بتفك الخط

كان هو تهمُه فلسطين

وكان بيساند كل مقاومة

وأنت بقيت كنز الصهايين

وخسرِّت مصر زعامة الأمة

يعني مافيش حاجة تخليك

تشبهه خالص كدا بالمرة

غير صفة واحدة عندُه وفيك

الإتنين حرامية ثورة

0
0
0
s2smodern

Add comment


Security code
Refresh