بحبك يا مصر - الأكثر قراءة

الكورومنيوم

Hits: 220
Star InactiveStar InactiveStar InactiveStar InactiveStar Inactive
 

لو كنت  شربت الكورومنيوم

أو كلت شَلولو طازة

يومياً قبل النوم

زي ماقلتلنا ياهذا

أو كنت الصبح أما تقوم

تشربلك ربع إزازة

وتحلي بفصين توم

وعصير برسيم صافي خلاصة

مكنتش كورونا تجيلك يوم

ولا كان العزل دا ليه عازة

 

مع إنك كنت عامل فيها

بإشارة كورونا هتنهيها

و زي اللوا عبد العاطي

كل البشرية هتشفيها

كان شكلك ف التحليل

عندك برهان ودليل

كنت مفكرهّا كورونا

متجيش لأبو دم تقيل

إنما أهي جاتلك معلش

علشان ع الوصفة ممشتش

أو جايز رُوحت تجيب

قرطاس كورومنيوم ملقتش

أو جايز كان مغشوش

أو أنت مجربتوش

أو يمكن ناشف جربته

و ف المية منقعتوش

ماهو كدا يامافيش بديل

غير إنك كنت رذيل

وكنت بتضحك ع الناس

وتوصف وصفة مهابيل

أهي جت على راسك .. شيل

ومتجبش العيب ع الفيل

متقولش الهند بعيدة

وأتأخروا في التوصيل

0
0
0
s2smodern

Add comment


Security code
Refresh