بحبك يا مصر - الأكثر قراءة

ركن

Hits: 162
Star InactiveStar InactiveStar InactiveStar InactiveStar Inactive
 

حسيت بمُر حالك

في الرُكن وأنت مقهورة

وكل اللي دار ف بالك

أنا شفته ف الصورة

شفت الهوان والعجز

ولمحت شبح الخوف

ولاقيتني بدون ماحس

عايش نفس الظروف

 

سمعت أنات الألم

وشفت اللي صوته إتحبس

ووجعني وجع اللي إتحرم

قدام عينيكي م النفس

 

شميتها ريحة الموت

اللي بتملا الأركان

تهت وبقيت مخضوض

متسمّر في المكان

كل الكلام ضاع مني

وغرقت ف بحر حزن

وهناك زيك لاقيتني

مرمي ف نفس الرُكن

 

رُكن اللي فيه ملهوش هوا

موجوع ومش لاقي دوا

مكتوب عليه حرمان

من أي حاجة ممكنة

مسموحله بس بالأحزان

وتبقى حالة مزمنة

 

رُكن مليان بالشجن

والعجز والخوف والأسية

مش هو برضه م الوطن

اللي قالوا هيبقى قد الدنيا؟

 

وآدي السنين عدت

واحدة ورا التانية

الدنيا هي اللي علينا كبرت

والوطن مبقاش يسعنا

مبقاش فاضل لينا إلا رُكن

مليان بأوجاعنا

بس إتبنىّ زنازين وسجن

وقصور ماهيّاش لينا

ولا بحاجة تنفعنّا

0
0
0
s2smodern

Add comment


Security code
Refresh