بحبك يا مصر - الأكثر قراءة

شوفتوا العصفورة؟

Hits: 357
Star InactiveStar InactiveStar InactiveStar InactiveStar Inactive
 

مين شاف العسكري .. والست صفية معاه

والباشا الكمساري .. ودوره ف الفيلم إياه؟

ولا البدلة المكوية .. ونضافة العربية

وإزاي الحاجة صفية .. قال عملت مش عارفاه

طب جابوا إزاي تليفونها .. وقوام وصلوا لعنوانها

دول بعتوا هدايا عشانها .. ومحدش راحلها تاه

طب شُفتم فاعل خير .. كان جاهز للتصوير

فاكر داقين  عصافير .. وفاكرنّا صدقناه

كل المقصود م الصورة .. ف مشهد قطر المنصورة

يلهوناّ بالعصفورة .. وكل فشلهم ننساه

ننسى صنافير وتيران .. وإزاي النيل عطشان

والغاز اللي بمجان .. للصهايين وصلناه

ولا نتكلم في قصور .. وسجون علولها السور

ولا في إنتخابات بالزور .. مافهاش حد إخترناه

 منشوفش هَد جوامع .. أو ناس إترموا ف الشارع

وحق الغلبان الضايع .. عايزينا نقول نسيناه

0
0
0
s2smodern

Add comment


Security code
Refresh