بحبك يا مصر - الأكثر قراءة

الحد الفاصل

Hits: 2036
Star InactiveStar InactiveStar InactiveStar InactiveStar Inactive
 

رابعة يا تبقى الحد الفاصل .. بيني و بينك

يا تكون هي الخط الواصل .. بين سكتي وطريقك

رابعة دليلي إنك بني آدم .. لساه صاحي ضميرك

أو على إنك كائن ظالم .. شرَّك غالب خيرَّك

رابعة يا تثبتلي إنك نادم .. يوم ما خرجت إديت تفويضك

يا تأكدلي بإنك فاهم .. و رضيت بالقتل قصاد عينك

رابعة يا تفضل دعوة أم .. دايماً تقلق نومك

يا تكون أجمل حلم .. شوفته حقيقي في يومك

رابعة يا تفضل بركة دم .. تغرق فيها هدومك

يا تكون خال أو عم .. بالحرية دعولك

رابعة بكل وضوح .. ما فهاش رأي سياسي

فيها آهات و جروح .. و قلوب ناس بتقاسي

كام أرملة بتنوح .. ودمع يتيم بيقاسي

وهانت فيها كام روح .. ولا أنت كمان ناسي

رابعة بكل حياد .. وبموازين الحق

كانت نور إتقاد .. ف ضلام ليلنا وشق

سكة خير لعباد .. فيها حسوا بالفرق

واللي ولادها أباد .. مش محسوب م الخلق

رابعة بكل صراحة .. مكتوبة ومقرية

مش أرض ولا مساحة .. ليها حدود نهائية

ولا ميدان أو ساحة .. في خريطة البلدية

إنما واحة راحة .. وكرامة وحرية

رابعة بكل أمانة .. من غير أي ملاوعة

كشفت نخبة جبانة .. فاشلة و ضالة و ضايعة

و عرِّت ناس شمتانة .. ف بحور دم و بايعة

فأنت إختار الخانة .. و مكانك من رابعة

و رابــعـــة

رابعة يا تبقى الحد الفاصل .. بيني و بينك

يا تكون هي الخط الواصل .. بين سكتي وطريقك

Add comment


Security code
Refresh