حازي و للخلف در .. و أقف إنتباه مظبوط
إمنع الكلام بالأمر .. و إياك يطلعلك صوت
عقلك إلغيه و إوعى تفكر .. و كأنك مش موجود
ماهي دي قوانين حكم العسكر .. يا تطاطي يا إما تموت
أما أنا فهقولك م الآخر .. و عشان مش عايز أطوِّل
رافض يحكمنا عساكر .. و نفضل على حالنا المتنيـِّل
و لو إنت نسيت إرجع ذاكر .. أو صَحي ضميرك و إتأمل
مين اللي ف حكمه كان فاجر .. و الشعب هموم و أمراض شَيـِّل
مين كان (للشاذلي) و دوره ناكر .. و غدر بـ (نجيب) مين في الأول؟
و الله يرحمه (سليمان خاطر) .. مين قتله أنا عايزك تتخيل
حبة أسئلة جت ع الخاطر .. بجوابها هنعرف ونحلل
مين اللي تملي بيتآمر .. و عشان أطماعه بيتحول
