من غير فلسفة أنا مش مُصلِّح .. و لا شيخ و لا راجل دين

و كمان أسلوبي ضعيف يفضِّح .. و كل اللي عارفهم حرفين

بس اللي ف قلبي على لساني .. و بقول اللي تشوفه العين

و اللي أنا شفته سنين خلاني .. عمري ما أخاف من بني آدمين

عارف فيه قوانين رباني .. مكتوبة ع الجبين

اللي قتل يُقتل .. لو حتى بعد حين

و اللي يخون يتخان .. من أقرب الأقربين

و يمهل ربنا و لا يهمل .. و إقرا تاريخ السابقين

و ( إِنَّ اللَّهَ لا يُصْلِح .. عَمَلَ الْمُفْسِدِينَ )