خـُد البيادة و أسكت .. خـُد البيادة و نام
ألحسها براحتك و إبسِّط .. و إنت بتدي التمام
في بيادة عليها دم .. إلحسها و فيها شم
من إمتى إنت بتهتم .. و تقول الدم حرام
بيقولوا فيه في باتا .. بيادة بالشوكولاتة
و كمان فيه عنده سادة .. و في منها بالشمام
عايز بيادة بـَنص .. برقبة و لا نـُص
بتحب أبو بوز تمُص .. و لا اللي عريض قودام؟
في بيادة هناك برباط .. موجود منها مقاسات
تلحسها تلت مرات .. و تبوسها في الأحلام
فيه برضه بيادة سودة .. و البني كمان موجودة
آخر موديلات ع الموضة .. معمولة للأغنام
فيه عرض كمان مخصوص .. فيه عنده بيادة لبوس
تاخد فردة أو جوز .. و إنت بتعمل حَمّام
و عشان الست مراتك .. لو كانت زي حالاتك
في بيادة برشحهالك .. جذابة قوي يا سلام
في بيادة عشانها الراس .. هي اللي بتبقى مداس
بيها بكرة عليك ينداس .. و إنت تكونلها خدام
فيه عرض كمان عظيم .. بيادة جلد بهيم
و معاها حزمة برسيم .. مع تبن يكفيك عام
فيه عرض كمان محطوط .. أنا شايفه عليك مظبوط
بيادات ماركة شلوت .. تلبسها جلوس و قيام
ده كوم و في عرض كوم .. بيادة كل يوم
تحضنها يجيلك نوم .. و لا حَوجّة للمدام
