البت الساقطة اللي بتتعرى .. قودام السفارات ف الغرب
و الولد الناشط اللي بيشرب خمرة .. ف شارع طلعت حرب
و الشاعر اللي تملي يسب الدين .. و يقول ع الصلـَّة دي خيابة
و الصحفي اللي بقاله سنين .. بيشتم ف الصحابة
و القاضي السارق للفدادين .. و واكِّل حق الغلابة
و المخرج اللي ف كل أفلامه شواذ .. و مناظر نسوان عريانة
و اللي على الشاشة بتتباس .. و يقولوا عليها دي فنانة
و معلم قرني اللي مشغـَّل .. قنوات التت
و مدير تصوير رافع إيريال .. مظبوط على وسط الست
و مذيع الغبرة اللي بيلعب .. ف دماغ المساكين البخت
و البقرة اللي سرقنا و هرَّب .. ملايين من قوت الشعب
و البيه اللي فاكرها ثقافة .. حفلات الرقص
و الباشا اللي مسميها صحافة .. جرانين الهجص
و بتوع أوبريت إخترناك .. و يا أنت يا إما ضناك
و دعاة الفكر الليبرالي .. و العلماني .. و الشيوعيين .. و اليساريين
و اللي بربنا كافرين .. و لسيدنا النبي ناكرين
و السفلة بتوع آسفين .. و شوية مش فاهمين
و فلول حرامية و فاسدين .. على كام بلطجي قابضين
و صحاب الكرش المليان .. من أكل و شرب حرام
اللي بيتمنوا زمان .. يرجع و الثورة تنام
غير حبـَّة ما بانش عليهم .. و قريـِّب قوي هيبان
و هنعرف مع بعضيهم .. إزاي إتفقوا الآن
و إن كان بصحيح يرضيهم .. إسقاط حكم الإخوان
أو سوا مع بعض مخليهم .. الحقد على الإسلام
