اللي كان سنة أولى لسة .. و اللي ستة إبتدائي
كانوا بيغنوا التلامذة .. و فجأة سكتوا سكوت نهائي
كانت الرحلة الأخيرة .. للبنات اللي بضفيرة
و الولاد مش من شقاوة .. ماتوا لكن من قساوة
الوابور داس ع الطفولة .. و حلمها قتله بسهولة
غرّق الدم اللي سايل .. الكتب ويا المرايل
ماتت الضحكة البريئة .. خلصت الحصة ف دقيقة
الجرس ضرب خلاص .. الوداع يا أغلى العزاز
يا تلامذة قيام جلوس .. درس بعده مافيش دروس
إكتبوه من غير خطوط .. كرروه و إنتم سكوت
إسألواه و إنتوا ف تابوت .. يا بلدنا ليه نموت
و الفساد ليه لسة باقي؟
