خلاويص خلاويص خلاويص
لا حواجز و لا متاريس
و لا يوم راح نقبل تاني
يتحكم فينا خسيس
خلاويص يا سجون الظلم
يا عيون إتملوا بالهم
يا قلوب ياما بكيِّت دم
و ياليل مافهوش فوانيس
خلاويص يا كلام كداب
خليت أعداءنا صحاب
و حبايب بقوا أغراب
و لعبت على الأحاسيس
خلاويص ما أحناش راجعين
من تاني نكون خايفين
و لبكره خلاص رايحين
مابقاش طريقه عويص
خلاويص يا فراق ملينا
هنشبِّك تاني إيدينا
و نحاسِّب على بعضينا
و وطنا نشوفوا عزيز
