الحاله هي هي

لسانّا مقهورين

شايفين ذل و أسيَّه

و دموعنا ع الخدين

بس المره دهيّه

راجعين و مصممين

الثوره مستمره

على كل الكدابين

أديت لينا التحيه

و ضحكت بيها علينا

خدناك لطريق حريه

خدت إنت نور عنينا

و ف أيامنا اللي جايه

ناوي تعمل إيه تاني فينا

من غير حق و شرعيه

حملناك مسئوليه

و إنت ما كنتش أمين

خليت البلطجيه

بالعسكر محميين

و الفاسدين و الحراميه

لساهم فينا حاكمين

برصاص البندقيه

قولت علينا إشاعات

و قصدت الفرقه بينّا

و رميتنا بإتهامات

و بظلم بقيت تسجنا

م النوبه مافيش سكات

من بعد ما شافت عينا

و عرفنا سوء النيه