آن الأوان يا هلترى
و لا الطريق لساه طويل
هتهل شمس منوره
و لا الل جى كله ليل
نفسي بعيوني ف يوم أرى
وسط الكلام اللي إتقرا
بلدي عليّا مشقره
مش ناسيه ليه مقرره
ما يطيبش يوم قلبي العليل
ياهلترى آن الأوان
يا حلم بيدق البيبان
إستنيناك عمر و زمان
راسمينهـا صورّك ع الحيطان
و نقول مسيرك يوم تبان
و لبكره نلقى معاك سبيل
مستني إيه ما تقول بقَى
طمِّن قلوب متشوقه
ترخلها حبل المشنقَه
تقطع خيوط الشرنقه
دا أحنا تعبنا كتير شقى
و زرعنا تمر طرح نقى
حدد لنا يوم اللقا
و ياريته لو يبقى ف إبريل
ويا الشباب اللي إبتدا
يملا الأماكن الفضا
بعد الجفاف هم الندى
ضى النهار اللي بدا
هم جناحاتنا ع المدى
عنوان غضبنا و الرضا
قوة دراعنا
آهة وجعنا
و إن خوف منعنا
أو مره ضعنا
هم قمرنا و الدليل
