صلي على النبي - الأكثر قراءة

فيروس مفعوص

الزيارات: 304
تعطيل النجومتعطيل النجومتعطيل النجومتعطيل النجومتعطيل النجوم
 

 حتة فيروس مفعوص

بعيونا مابيتشافش

أصغر من راس دبوس

لكنه زي الوحش

خلا اللي كان يجوز

فجأة بقى مايجوزش

لا سلام بإيد ولا بوس

والكل غطى الوش

شوف كام سجان محبوس

وكام مُفتري كش

إتســـاوت الرؤوس

سلطان وجاه مافرقش

ومهما تزيد الفلوس

برضه البني آدم هَش

.....

مفعوص وقوتنا

طلعت قصاده قش

خلاها دنيتنا

بصراحة ماتتعش

سجنّا بين حيطنا

وبأمره مابنخرجش

خلا بيبان بيتنا

قضبان ماتتكسرش

بقى خوف محاوطنّا

وبالنا مابيرتحش

ف كلامنا وسكوتنا

و ف تعبيرات الوش

نسأل خلاص موتنا

ولا أوانّا ما آنش؟

ونعد ف ذنوبنا

نلاقيها مبتخلصش

غشينا وكدبنا

وعشنا بألف وش

وقاطعنا قرايبنا

علشان خلاف على قرش

وظلمنا أخواتنا

لما قَسمنّا الورث

ويا الضعيف منا

تلاقينا مابنرحمش

ولو شريف ظلمنا

نخرس منتكلمش

قُصر الكلام كُنا

بالحق مابنحكمش

ولبسنا غير توبنا

توب تاني ماينفعش

فياهلترى إن توبنا

ونوينا مانذبنش

هننوي بقلوبنامع وعد مانرجعش

ولا بسبب خوفنا

في التوبة كمان

 هـنـغـش؟

0
0
0
s2smodern