كتير يارب أذنبنا
كتير يارب ضلينا
كتير ياما الشيطان خدنا
و حلا الذنب ف عنينا
نسينا يارب
و سيبنا الدنيا تغرينا
بقينا نحبها م القلب
و لا نفكرش غير فيها
نسينا إن ملك الموت
في لحظه حياتنا ينهيها
و تاني للتراب هنعود
و تبقى النفس وحديها
ما ينفعناش يومها المال
ما يسندناش كتر عيال
و لا يسواش طريق مشيناه
في غير طاعتك
وهبت يارب لينا حياه
نسينا أد إيه نعمـَّك
قمر .. شمس و نجوم و مياه
و مبسوطه لنا أَرضك
و خيرك ف الوجود كله
لمن آمنوا و من ضلوا
سامحنا يارب
رضينا هوانا يأسرنا
و تاه سيرنا
ما عادش الأخ ضل أَخوه
و صار الإبن بايع أبوه
و خدنا حقوق ماهـيش لينا
و غشينا
ما مرش يوم بدون ولا ذنب
سامحنا يارب
