صلي على النبي - الأكثر قراءة

خجلان أقول إشفعلنا

الزيارات: 761

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

بسم الحريه الكدابه

جامع ورا جامع يتدك

بسم الحريه الكدابه

بنخش سجون لمجرد شك

يتسن قانون يـسمح بالشرك

و يتاح و يجوز

بلاجات لعرايا .. و حتى جواز لشذوذ

و قانون بيجرم .. لبس حجاب

و بيربط بين المسلم .. و الإرهاب

و بيجعل من أَباليس .. كُتّاب

و أبو فكر خسيس .. ينشره في كتاب

و يكون ليه صفحه ف الجرنان

بسم الحريه الكدابه

و إسم حقوق الإنسان

الدنيا إتقلبت غابه

بقى ظـلـم ف كل مكان

بتموت الناس ملايين

و بيصبح كل كلامنا حزين

بيدور الداير فيك يا عراق

و بيبنوا السور جوا فلسطين

بـسم الحريه الكدابه

أعظم إنسان سبوه

باللي ماهوش فيه وصفوه

شيطان خيالهم .. حبر فاسد مَدُهُم

ملعون كلامهم .. من حقد مالي قلبهم

سكران قلمهم .. ف حروفه ريحة خمرهم

خايب أملهم .. مهمن أساؤا بجهلهم

هـيحين أَجلهم .. و الدود هيقرف منهم

هـم و مثالهم

بكرة مزبلة التاريخ

مع بعضهم هتلمهم

و إنت هتفضل كل وقت و كل حين

خير إنسـان إتخلق

الصادق الأمين .. صاحب أَعظم خلق

ختام المرسلين .. و إمامهم كلهم

أكملت لينا الدين

و مكارم الأخلاق .. جيت لجل تتمهم

و إنت الحبيب المصطفى

و كفايه في صفاتك صفه

ببها ربي خصك و كفى

إسمك بإسمه بيتوصل

و لا حد لمقامك وصل

و مهمن كان أو حصل

فأنت هادي البشر

و النور اللي إنتشر

و الدين اللي إنتصر

على كل من كفر

تـبت إيديهم

فاكرين كلامهم ليه أَثر

عميّت عنيهم

لا بصيره و لا بصر

و لا لوم عليهم

زيهم زي البقر

اللوم علينا

و سكوتنا ذنب لا يغتفر

دا أحنا بقينا

لا حس لينا و لا خبر

هنقولك إيه يا نبينا

أو إيه هيبقى عذرنا

ما هـُو لولا حالة ضعفنا

كان عمر حد ما مسنا

فيا خير خلق ربنا

بعد اللي راح من عزنا

و اللي وصله أمرنا

خجلان أقول إشفعلنا

خجلان أقولها يارسول الله

يـا أحب شخص لقلبنا

0
0
0
s2smodern