صلي على النبي - الأكثر قراءة

لأ يا فرنسا

الزيارات: 715

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

لأ َّ يافرنسا

لا لا لا لا

يا مسيو شيراك

و يا شيخ فصلت الفتوى

الله لا يسامحك

علي فتواك

و يا زاينة حجابك

مين ف مقامك؟

مين زيك؟

ياعفيفة و طاهره

يا أجمل زهره

و كأنك فوق الأرض

ملاك

إوعي يهزوكي

الناس الجهلّه

أصحاب العبارات السهلّه

و المصطـلحات الرنانه

خليكي يا حوا

إنسانه

مش سلعه و مين يدفع أكتر

دا مافيش و لا مله و لا ديانه

يوم فيها مقامك كان أكبر

و حقوق ما ينولهاش سواكي

لو أمي مخشش جنه

من قبل ما أنوله رضاكي

لو أختي فريضه و سنة

ما زعـلش ف يوم وياكي

و ان كنتي مراتي أصونك

ما تروحش العين لبدالك

لـو بنتي و بكيوا عيونك

ما بنامش الليل علشانك

شفتي إزاي غالي مقـَامك

دا كأن حجابك

تاج فوق راسك

دا كأن حجابك

نور قنديل

بينور لينا ف عتمة ليل

نتباهى بشدة إخلاصك

من تاني يحركنا حماسك

ويخلي ضماير غافله تفوق

ينطلق الصوت المخنوق

إزاي ما نطيعش الخالق

ونطيع واحد مخلوق؟

إزاي ونبينا الصادق

الوحي أتاه من فوق

قرآن ف طَريقنا بيهدينا

بيقول إيه لينا و ما علينا

ولفين رايحين

ومنين جينا

وإن الإنسان

ميه و طينه

و مافيش غير واحد رب

نعبده ف الظاهر

جوا القلب

و ف كل الدنيا

شرق و غرب

و حجابك فوق راسك

قيمه

و حجابك

زي الصله و الصوم

و إن كان فيه قدره

و حجينا

خليكي قويه

آهو جالك يوم

تبقي إنت بدايه تصحينا

وندوس ع الخوف

الل مالينا

نتذكر لو كنا نسينا

نمسك من تـاني

ف إيد بـعـضينا

أمة إسلام

فخـر و عزه

مش بس كلام

من هنا و هناك

يا رسول الله

وعد ما ننسى

و أملنا نكون

ف الجنه معاك

يعني

لأ َّ يا فرنسا

لا لا لا لا

يا مسيو شيراك

و يا شيخ فصلت الفتـَوى

الله لا يسامحك

على فتواك

رابط لتحميل القصيده بصوت الشاعر

شاهد الفيديو كليب

في ديسمبر 2003 أوصى الرئيس الفرنسي جاك شيراك

بسن قانون يمنع الحجاب

ومن بعده جاء الرئيس نيكولا ساركوزي في يونيو 2009

ليصف النقاب أنه رمز لإستعباد المرأه  فيالها من حريه كاذبه

تلك التي ينادي بها دعاة العلمانيه

0
0
0
s2smodern