صلي على النبي - الأكثر قراءة

جه رمضان

الزيارات: 537
تعطيل النجومتعطيل النجومتعطيل النجومتعطيل النجومتعطيل النجوم
 

جه رمضان م القلب فرحنا

و الشمع ف فوانيس قدناه

جه من تاني الشهر اللي إحنا

طول أيامنا بنستناه

جه و البركه ملت مطارحنا

رمضان شهر جميل محلاه

جه رمضان الله الله

ع النبي صلوا خير صلاه

قالنا صوموا على رؤياه

و إحنا هلاله خلاص شفناه

في السما هل علينا و بان

جه زوقنا عشانه حارتنا

زينه و كهارب ملوا حتتنا

وحوي ياوحوي بقت غنوتنا

و حالوا يا حالوا يا رمضان جتنا

بعد ما غبت علينا زمان

جه هيصوا يا ولاد و بنات

جه رمضان شهر البركات

جه و معاه جايب حسنات

تلاتين يوم ذكر و عبادات

شهر الصوم شهر القرآن

0
0
0
s2smodern