يزقزق العصفور ع الشجر
أقول الله
أشوف ضى النجوم و القمر
أقول الله
و لما سحابه يوهب مطر
أقول الله
و ساعة لما أحس بخطر
أقـُول الله
أقـُول الله
و أنا فرحان
و لما أبقى حزين ندمان
و لما ألقاني يوم بردان
و لما ف مره أكون دفيان
أقول الله
ف عز الويل
ف عتمة ليل
و لما طريقي يبقى طويل
و حمل كتافي أحسه تقيل
أقول الله
و أنا ببكي
و لما شفايفي تتبسِّم
و لما أشكي
و أنا لبكره الطريق برسم
أقول الله
و أنا خايف
و لما ألقاني مطمن
و لما ببقى مش شايف
و لما بداري أو أعلن
أقول الله
ف وسط الناس
و أنا بيني و بين نفسي
بصوت عالي
وصوت حـساس
ف ساعة ضعفي و ف عزي
و أقول الله
رحيم رحمن
أمرت بكن
بقت أكوان
عبيدك فيها إنس و جان
و خيرك مالي كل مكان
يا باقي بعد كل زمان
يا من أبدعت ف البنيان
سماك مرفوعه بلا عمدان
بحور جاريه و جبال أكنان
و نعمك ع البشر ألوان
أقول الله
يطيب قلبي
يروق بالي
يهون صعبي
و يتيسر عسير حالي
أقول الله
و أنا بدعي
و فوق خدي يسيل دمعي
و آهتي بتعلا من وجعي
يارب إغفر عظيم ذنبي
و بارك ليّا ف عيالي
و نورلي بضياك دربي
و زود بالحلال مالي
أقول الله
يا عالم قلبي إيه جواه
و باللي عينيّا مش شايفاه
محدش غيرك أترجاه
و لا غيرك منايا رضاه
يا واهب ليّا روح و حياه
و وحدك يا إلهي إله
يا الله
يا الله
يا الله
