صلي على النبي - الأكثر قراءة

يا رايح عند النبي

الزيارات: 808

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

يا رايح عند النبي

سلم عليه

قوله منايا و مطلبي

أتلاقى بيه

ترويني ميّة زمزم

و وضوئي أجددُه

و ربي وحده يعلم

حنيني لمسجدُه

نفسي قريب من كعبته

أدعيه بواسع رحمته

إغفر يارب لعبد

ضحكت الدنيا عليه

فتنه نعيم الأرض

فكر أَمره بإديه

ليك وحدك إنت الحمد

شافت تاني عنيه

في لون بياض الفجر

وقفوا الحجاج صفوف

و الكعبه زي البدر

و نجوم حواليه بتطوف

من كل نواحي و فج

على رب العزه ضيوف

بقلوب مليانه مشاعر

ما يفـسرهاش و لا شاعر

و لا توصفهاش حروف

ياللي إنت بكاف و بنون

و بقـدرة كن فيكون

من غير و لا شئ بقى كون

محكوم بنظام و قانون

أَفواج حجاج جايينك

من كل مكان مسكون

إتساووا يارب ف بيتك

و لا فرق بينهم لون

ألسنة و لغات لبيتك

و بنسمع واحد صوت

ينادِيك يتمنى العون

مين غيرك أخرج يونس

من أحشاء الحوت ؟

مين غيرك أوحى لعيسى

يجعل ناس أحياء من موت؟

مين غيرك خلى النار

ما يحسش بيها خليلك ؟

مين غيرك عندُه القدره

يخلي البدر يبان في نهار

أو يقدر مره

يجيب الشمس ف ليلك ؟

مِين غيرك ـ يا الله

مالي العالم كله بخيرك ؟

بدعيك من قلبي إكتبهالي

و ألاقيني قريّب وسط حجيجك

إكتبلي يارب زيارة قبر حبيبك

و حبيبي

مشتاقه النفس ليه

يا رايح عند النبي

سلم عليه

قوله منايا و مطلبي

أتلاقى بيه

شاهد تسجيل حي للقصيدة

0
0
0
s2smodern