صلي على النبي - الأكثر قراءة

أبشروا

الزيارات: 740

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

لوحه ف خيالي رسمتها .. و بكل لون لونتها

من فرحي بيها حفظتها .. و ف نني عيني شلتها

فجأة الخطوط إتلخبطت .. على بعضها

و اللوحه ألوانها إنطفت .. كدا وحدها

جربت أرسم زيها .. بس أتكسر سن القلم

كلمت نفسي سألتها .. و أنا روحي حاسة بالألم

أمة عظيمة بمجدها .. إزاي و ليه كدا تتقسِّم؟

و أحلام كتيره حلمتها .. إزاي في لحظة تتهدِّم؟

مبقتش قادر بعدها .. مـن جوه قلبي أبتسِّم

و دموع كتير نشفتها .. في اللوحة رجعت تترسـِّم

لكني رغم اليأس .. و الإحساس المرير

شفت بعيوني العكس .. و لقيت في اللوحة خير

أمة رسولها المصطفى .. الصادق الأمين

خير الأمم جه وصفها .. في القرآن المبين

لو مرة غابت شمسها .. أو ليلها كان طويل

فيه وعد ليها بنصرها .. من ربنا العدل الوكيل

و مستحيل .. مستحييييييييل

من بعد وعده تنهـِّزم

0
0
0
s2smodern