صلي على النبي - الأكثر قراءة

مش بس ف يوم ميلادك

الزيارات: 735

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

مش بس ف يوم ميلادَّك

دا كل دقيقه طول العـام

عارفينه عظيم مقامك

و لا زيه فيه مقام

و الـكون ما فهوش مثالك

دا أنت خير الأنام

عليك دايما سلام و صلاه

حبيبي يا رسول الله

يا أغلى من أمي و أبويّا

يا أقرب ليّا من أخويّا

يا نور عيني و روح قلبي

يا أعظم مَن خلق ربي

يا هادي الخلق بعد ضلال

و عارف رد أي سؤال

يا صوت الصدق مهما أتقال

ميزانك حق عمره ما مال

قاسيت ياما سنين أهوال

ما بـين هجره و بين ترحال

عشان يعلن بصوته بلال

آدان ما سكتش من أجيال

آدان واحد ف كل مكان

بيتردد بكل لسان

يقول الله كبير رحمن

و إنت رسوله العدنان

عليك أنزل آيات قرآن

تحدي للبشر و الجان

ألف لام ميم

و ياء مع سين

حروف أوحاها رب عليم

قصادها الكل بقوا عاجزين

تقول إنك بشير و نذير

و وحدك عارف التفسير

يا مالي الدنيا عدل و خير

و ف الآخرة شفيع و نصير

فداك نفسي و أموالي

و لجلك أضحي بعيالي

و كل منايا و مرادي

تكون عني بقيت راضي

و ألقى مكاني ف رحابك

حبيب مع باقي أحبابك

ف صحبة أمة الإسلام

مش بس ف يوم ميلادَّك

دا كل دقيقه طول العـام

عارفينه عظيم مقامك

و لا زيه فيه مقام

و الـكون ما فهوش مثالك

دا أنت خير الأنام

0
0
0
s2smodern