شوية رومانسي - الأكثر قراءة

الحب كمان بيموت

الزيارات: 1142
تعطيل النجومتعطيل النجومتعطيل النجومتعطيل النجومتعطيل النجوم
 

مافيش حاجه مبتموتش

ومتقوليش ليه وإزاي

ولا فيه يوم مبيفوتش

ولا الماضي بيصبح جاي

يموت الحب ليه لأ

مادام هم يدوب حرفين

وإيه القلب غير دقه

مايسمعهاش غير عايشين

ده حتى الورد بيفتَّح

وأغصانه قوام بتميل

بتطلع شمس ونصبَّح

وتُغـرُب لما ييجي الليل

ده صعـب زمانا ما يدورش

ومين فينا ماهوش نساى

ومين مرَّه مابيخونش

ويحـلفلك ماكانش مُناى

 

ومهما حاولنا مانقولش

لابد ف لحظة يطلع صوت

يقول فيه إيه مابيروحش

ومهما الحب عاش هيموت

مافيش حاجه مبتموتش

ومتقوليش ليه وإزاي

ولا فيه يوم مبيفوتش

ولا الماضي بيصبح جاي

0
0
0
s2smodern