شوية رومانسي - الأكثر قراءة

وداع

الزيارات: 787
تعطيل النجومتعطيل النجومتعطيل النجومتعطيل النجومتعطيل النجوم
 


كل اللي كان ما بينا

من بين إيدينا ضاع

و اللي عليه حب قولنا

أتاريه وهم و خداع

و زي ما يوم إتقابلنا

جه يوم نقول وداع

مش ندمان إني أسيبِّك

و لا عايز أكون حبيبِّك

روحي يالا و كتر خيرك

مش همسِّك تاني إيدك

عيشِي حياتِّك على كيفك

و إمشيه وحدِّك طريقك

جايِّز ف السكه يجيلك

واحد زيك من توبك

بعنيه هيشوف ف عيونِّك

اللي مشفتوش ف عيوبِّك

يعـرفها حقيقة لونِّك

وإزاي كدابَّه دموعِّك

إزاي بتخالفي وعودِّك

و بتنسي إيدين إدولك

واحد زيك من كونِّك

يقبل بالكدب شروطك

يعمل مخلص ف وجودِّك

و إن غبت دقيقه يخونك

و ف يوم هيروح على غيرِّك

و تهوني عليه و يبيعـِّك

أحلفلك مش ندمان

إنما مكدِّبش حزين

ده أنا زيي محدِّش كان

وياكي ف حبه أمين

كان نفسي تكوني الإنسان

اللي إستنيته سنين

أنسى معاكي الأحزان

و أمسح دمعات نازلين

من عيني ليلاتي عشان

النوم واحداني لعين

متغـطي و مش دفيان

و الدفا هيجيني منين

دا الدفا إحساس بكيان

أقدر أضمُه بدراعين

يديني شعور بأمان

و أنا أشيله ف نني العين

جه الوقت خلاص .. الآن

أنا وإنت لبعـض مفارقين

و لا راح يجمعنا مكان

روحناه إحنا الإتنين

كل اللي كان مابينا

من بين إيدينا ضاع

واللي عليه حب قولنا

أتاريه وهم و خداع

و زي مايوم إتقابلنا

جه يوم نقول وداع

0
0
0
s2smodern