شوية رومانسي - الأكثر قراءة

مابقاش

الزيارات: 150
تعطيل النجومتعطيل النجومتعطيل النجومتعطيل النجومتعطيل النجوم
 

حاسس وكأن الدنيا .. على طول مستحلفالي

أو يمكن أوهام مش حقيقية .. اللي دايرة ف خيالي

أصل أنا أوجاعي قوية .. فاقت كل إحتمالي

ولا بقى في العقل بقية .. توصف إيه اللي جالي

اللي شايله ف عينيا .. وتملي عندي غالي

مش حاسس قلبه بيا .. ولا يعرف إيه جرالي

ولا هاماه الأسية .. ولا وجعي وحيرة بالي

مابقاش يسأل عليا .. مابقاش يهمه حالي

ولا داري باللي فيا

 

معرفش إيه جراله .. وقساوته زايدة ليه

إيه غير بس حاله .. مبقتش خلاص لاقيه

دا حارمني من وصاله .. وقلبي ملهوف عليه

معقولة يكون ف باله .. مشوار حبنا ينهيه

وأختارله سكة تانية

مابقاش يسأل عليا .. مابقاش يهمه حالي

ولا داري باللي فيا

ميكونش خلاص ودعني .. وناوي يكمل وحديه

ولا يكون بيلوعني .. وعذابي بقى يرضيه

دا لا هامُه إيه واجعني .. ولا قلبي حاله إيه

وكأنه خلاص بايعني .. مع إني مشتريه

ولا عمري نسيته ثانية

مابقاش يسأل عليا .. مابقاش يهمه حالي

ولا داري باللي فيا

 

ياحبيبي ياللي بُعدك .. وغيابك هزني

والله الدنيا بَعدك .. ماعادتش تهمني

لا بقيت تقول بحبك .. ولا حتى وحشتني

معقولة مافيش ف قلبك .. ولا ركن يضمني

ولا ذكرى حلوة ليا

مابقاش يسأل عليا .. مابقاش يهمه حالي

ولا داري باللي فيا

0
0
0
s2smodern