شوية رومانسي - الأكثر قراءة

أصعب شيء

الزيارات: 294
تعطيل النجومتعطيل النجومتعطيل النجومتعطيل النجومتعطيل النجوم
 

أصعب شيء للروح .. إحساسك بالظلم

لما تكون مجروح .. من غير نقطة دم

لما تلاقى ف قلبك .. حزن وهم وغم

و حد قريّب منك .. إيده تناولك سم

لما تلاقي صديقك .. متهمك بالغش

وسهم كلامه يصيبك .. زي النار في القش

يعني يقول أنك كداب .. وأنت مبتكدبش

يفتح كشف حساب .. لحاجات مبتحصلش

يتهمك بخيانته .. من غير أي دليل

ويقول أنك بعته .. ومعاك شاف الويل

تبدأ تكره نفسك .. لو شفتها بعنيه

وتشوف واحد عكسّك .. شاور هو عليه

واحد غيرك خالص .. إنت ماتشبهوش

حد قليل الأصل وناقص .. واطي أمان مالهوش

فتغمضها عيونك .. وتحاول ماتشوفش

تنزل برضه دموعك .. تحرق جلد الوش

أصعب شيء صدقني .. وجرح علاجه صعيب

يبقى عليك المجني .. ويبقى الجاني حبيب

0
0
0
s2smodern