شوية رومانسي - الأكثر قراءة

عبير الحب

الزيارات: 914
تعطيل النجومتعطيل النجومتعطيل النجومتعطيل النجومتعطيل النجوم
 

عبير الحب أنفاسك .. و نبض القلب إحساسك

و أنا عاشق سمار لونك .. و سحر النظرة ف عيونك

ماددها إديّا مديلي .. إيديكي و نوري ليلي

كونيلي شريكتي ف طريقي .. و أنا أحلف أكون ليكي

ف حر الشمس ضلاية .. و ليل العتمة نجماية

لو أبرد إنت غطيني .. بإحساسك و دفيني

و أنا ف عيوني أخبيكي .. و برموشهم أغطيكي

أخاف دمعة تسيل مني .. عليكي يا ساكنة ف النني

يا روح قلبي اللي من تاني .. رجع يتهز ف كياني

يافرحي بعد أحزاني .. يا أجمل حاجة في زماني

يا نعمة عليا من ربي .. يا أغلى شئ سكن قلبي

يا رزق الواهب الرزاق .. يا ست الحسن و الأخلاق

ف محرابك بقيت ناسِّـك .. وحيد محتاج لإيناسِّـك

متحرمنيش (أبوس راسك) .. أكون سطرين ف كراسك

أكون ف السكة ونّاسك .. و أكون اهلك و أكون ناسك

عبير الحب أنفاسك .. و نبض القلب إحساسك

0
0
0
s2smodern