شوية رومانسي - الأكثر قراءة

قالك إيه قلبك طمني

الزيارات: 837
تعطيل النجومتعطيل النجومتعطيل النجومتعطيل النجومتعطيل النجوم
 

قالك إيه قلبك طمني

متخبيش أرجوك شئ عني

قالَك تاخد بالك مني

و لاّ تسيبني

قالَك إنك جوا النني

و إنك إني

يا مجنني

متقول بقى يالا و فهِمني

قالك إيه قلبك طمني

قالك يعني تيجي تكلمني

أو قالك على طول تخاصمني

و تغلبنِّي

قول لو حتى نويت تعاتبني

و تأنبني

بس إياك منك تحرمني

و تسلمني

للوحده و نارها تدوبني

قالَك إيه قلبك طمني

قالك إيه قلبك متقول

متخليش البال مشغول

وتسهرني و ليلي يطول

و تخدني الأفكار و تجيبني

قالك إيه قلبك طمني

قالَك إيه قلبك ما أنا قلبي

قالهالك من غير ما يخبي

قالك نفسه يشوفك جنبي

أو مرسال منك يوصلنّي

قالك إيه قلبك طمني

قالك إيه قلبك إحكيلي

ليكون مش مايل على ميلي

و تفوتني و تنساني ياويلي

عني تغيـب و أفضل مستني

قالك إيه قلبك طمني

0
0
0
s2smodern