خدت قرار أنساكي
و أداوّى من جرحك
مش هشتاق للقاكي
و لا توحشني ملامحك
أيوه أنا قادر أنسى
إيه وياكي جرالي
و لا أسمحش للحظَه
صورتك تيجي ف بالي
هنسى كلام الحب
و أنساها حكاياتك
و فراقك مش صعب
و خلاص مش محتاجك
و أنا مش زي زمان
أصبحت واحد تاني
غيرت العنوان
و مش هتلاقي مكاني
و لا يوم هسأل عنك
أو أعرف إيه جرالك
قلبي خلاص مش عايزِّك
و بكره يكون لبدالك
حتى إن جت يوم سيرتك
هسأل مين دي تكون
و كأني و لا عرفتك
و لا شفتك ف الكون
دا أنت ما تستاهليش
إني أقول حبيتك
إنسي و ما تحاوليش
أنا من عمري لغيتك
و خدت قرار أنساكي
و أداوّى من جرحك
مش هشتاق للقاكي
و لا توحشني ملامحك
