شوية رومانسي - الأكثر قراءة

أنا و صورتك

الزيارات: 1130
تعطيل النجومتعطيل النجومتعطيل النجومتعطيل النجومتعطيل النجوم
 

صوره وسط الصور

و دفتر ذكريات

و وردة حب دبلانه

ما بين جوابات

أنا و إنت كتبناها

ف أيامنا اللي عشناها

ساعات حلوه و ساعات مُره

فرح مره و أسى مَره

ف وقت الضعف والقوه

كلام م القلب من جوه

كلام سالت عليه دمعات

و منهم دمعه على صورتك

لاقتني لسه بشتاقلك

و كلي حنين أكون جنبك

و أحضن ف الطريق يدك

ياريته الحب بينّا ما مات

ياريت الوقت عمره ما فات

ياريت قادر أكون وياك

مافيش بيني و لا بينك

تكون مسافات

و لـَمـَا الـدمـع مـَلا عـِيـنـِي

سـَألـت الـصـُوره جـَاوبـِيـنـِي

أنـَا فـِيـنـِي

و فين إنت

و قولِّي نستني

من إمتى

بقيت واحداني من بعدَّك

مافيش ويايا غير صورتَّك

بكل الشوق أكلمها

و نفسي أسمع جواب منها

على حالك يطمني

يا ساكن لسه ف النني

يا حلمي اللي ضاع مني

يا جرح كبير بِيألمني

ياريت صورتك تكلمني

و لو بِالكدب توهمني

تقول منستش و فاكرني

و لا نسيت لحظة عشناها

و كلمة حب قولناها

و لسه فاكرها ضحكتنا

و فرحتنا

و سكه ف مره ضمتنا

دا أنا رغم البعاد لسه

مغبتش عني و لا لحظه

و لسه بحس باللمسه

و بسمع منك الهمسه

و بلقي روحي معاك

ف نفس السكه تاني هناك

أنا و إنت لوحدينا

بِنحلم بكره نلاقينا

بقينا ف حضن بعضينا

ف بيت جدرانه تحمينا

ف برد الليل تدفينا

مشاعرنا و حكاوينا

حبيبي بعيني مش شايف

غير الصوره و عليك خايف

تعيش واحداني و أنا عارف

عليك الدنيا من بعدي

بكل قساوه هتعدي

ماددلك من جديد يدي

تعالى نعيد زمن وردي

يا صورته ياريت بقى تردي

قوليله هوانا شئ أبدي

دا لا هـو هوا غيري

و لا غيري هواه قدي

0
0
0
s2smodern