حوا حبيبتي - الأكثر قراءة

ضل راجل

الزيارات: 781
تعطيل النجومتعطيل النجومتعطيل النجومتعطيل النجومتعطيل النجوم
 

هذه المره وجدت حواء تحاول أن تجعلني أقتنع بأنه لا فرق هناك بين الرجل والمرأه فأنا عملت نفسي مقتنع بوجهة نظرها لكن لما بدأت أفتش في بعض مفردات اللغه إستغربت قوي من الفرق الكبير بين بعض المفردات المذكره والمفردات المؤنثه بس ماحبتش أقول إن فيه فرق - ولا هو صحيح مافيش فرق؟

أيوه من غيرك راح أقدر

ده جوابي بدون مفكر

هى كلمة و مش هكرر

أصلي حافظ المقرر

ياما قبلك كانوا أشطر

كان كلامهم حاجه أخطر

كل مفتكره أكركر

و كل واحده جت تغيّر

الطبيعي أو تحوّر

كان نهارها يبقى أغبّر

إيه ياحوا رُوقي إهدي

فاكره آدم شئ صُغَير؟

يعني رافضه و لا ترضي

هو برضه اللي يقرر

مش كلامي و رأيي وحدي

أو بحاول إني أبرر

ده كلام جدك وجدي

قالوا حوا إياك تخيّر

كان زمانهم حاجه وردي

و إحنا ف الزمن الممرر

كان نهارهم لونه فضي

و إحنا كحلي ويمكن أكتر

لما نادت بالتحدي

حوا قال علشان تطـوّر

و جت تقول آدم دا قدي

عصرنا حاله تدهوّر

لا  ياحوا الـسيره فُضي

حافظي ع النفس القصيّر

ضل راجل قولي ردي

و لا ضل الحيطه أكبر

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern