حوا حبيبتي - الأكثر قراءة

إيه الفرق ؟

الزيارات: 882
تعطيل النجومتعطيل النجومتعطيل النجومتعطيل النجومتعطيل النجوم
 

هذه المره وجدت حواء تحاول أن تجعلني أقتنع بأنه لا فرق هناك بين الرجل والمرأه فأنا عملت نفسي مقتنع بوجهة نظرها لكن لما بدأت أفتش في بعض مفردات اللغه إستغربت قوي من الفرق الكبير بين بعض المفردات المذكره والمفردات المؤنثه بس ماحبتش أقول إن فيه فرق - ولا هو صحيح مافيش فرق؟

 

إيه الفرق ؟

ماشي يا ستي هجاوبه سؤالك

هو أنا أقدر أقولك لأ

و هعيده كمان مرة بدالك

بينا وبينكم إيه الفرق؟

الفرق اللي ما بينا و بينكوا

عنوا حروف اللغة تجاوبكوا

شوفي يا ستي

إحنا تملي ف إيدنا السُلطه

و إنتوا عليكوا تقطيع الـسَلطه

التشكيل مافهوش ولا غلطه

و إرجعي إقري البيت على مهلك

تلقي عميق المعنى وصلِك

ولا أقولك .. أنا هشرحلَك

شوفي سعادتك

فيه رجالَه وفيه ستات

بس مابينهم فيه مسافات

و لو مش فاهمة أنا أقصد إيه

حرف اللغة نرجع سوا ليه

و إنت عشان فهمك على قدك

الأمثلة هتكون أسهلك

شوفي سيادتك

الطيار غير الطياره

دا ظابط و دهي بدوباره

طيب أقولك تانـي أماره؟

أنا لو قلت الراجل نيل

أو قلت الراجل دا أشار

تبقَى الست مؤكد نيله

وأكيد برضه هتبقى إشاره

والراجل لو قلت حديد

تبقى الست ضروري حديده

والراجل لو قلت مُصيب

طبعا تبقى الست مصيبه

شفتي اللغه وحديها عجيبه

ليها بجد معاني عميقه

بس خلاص مافهاش بريئه

إتمسحت ومعاهـا رقيقه

بقوا أغراب ف لسان الخلق

و بكدا أبقى جاوبت سؤالك

هو أنا أقدر أقولك لأ

و هعيده كمان مرة بدالك

بينا وبينكم إيه الفرق؟

 

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern