حوا حبيبتي - الأكثر قراءة

للرجال فقط

الزيارات: 786
تعطيل النجومتعطيل النجومتعطيل النجومتعطيل النجومتعطيل النجوم
 

لما الخناقه بيني وبين النسوان ولعت وبدأوا صحابي الرجاله يحسوا بالخوف عليا إقترح عليا واحد من صحابي الشعراء المقربين - الشاعر أشرف فايز إننا ندعو الرجال المخنوقين من نسوانهم و نهاجر كلنا  لمكان ميكونش فيه صنف الحريم وإتفقنا إننا نروح سيبريا على ألا نسمح لأي أنثى من الإقتراب أو التصوير

ياسيبيريا ياسيبيريا

مش هندخَل فيكي وليَّه

هتكوني عشان الرجاله

اللي من النسوان طفشانه

واللي حالتهم صبحت حاله

من عقل الست المناخوليا

غاليه تذاكرك ولا رخيصه؟

سهله الفيزا ولا عويصه؟

عايزين نعرف قبل الهـيصه

دا كتير قوي رجاله حريصه

وأنا أولهم ما أنا م الجيزه

وعيلة أبويا عيله صعيديه

هيجيلك من كل الأرض

الرجاله الـصَح بجد

اللي إتفقوا خلاص مع بعض

مش هيحوشهم عز البرد

ولا هيخلوا ما بينهم حد

ما يقولش الستات نكديَّه

الرجاله اللي ما بتخفش

من صنف الست و لا تكِش

و اللي كلامهم ما بينزلش

و إن قالوا أمر ما يتكررش

أصل مع الست ما ينفعش

إلا الرجاله الحقيقيه

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern