حوا حبيبتي - الأكثر قراءة

بتهددنني

الزيارات: 894
تعطيل النجومتعطيل النجومتعطيل النجومتعطيل النجومتعطيل النجوم
 

آخر مافاض بالست حوا الأمر ولقت نفسها مش عارفه تاخد معايا حق ولا باطل بدأت بقى تهددني وتقولي ده أنا هوديك السجن وممكن كمان أروح للشيخ شخشخوني أخليه يعملك عمل يجيب  أجلك وكلام من نوعية كلام حوا لما تبدأ تتعامل مع أي موضوع بطريقة خدوهم بالصوت قبل مايغلبوكوا - بس على مين؟

بتهددني بـسجن ياخال

و عايزه أموت تواً ف الحال

و تزغرد ف جنازتي أومال

فاكره هتورث بعدي المال

و تبعزقه ف يمين و شمال

مش فاهمه باينّي الموال

دا أنا مديون عند البقال

حوا خلاص بانت لبتها

و إزاي وحشه قوي نيتها؟

هى كدا حوا بطبيعتها

بتفكر بس ف سعادتها

و عذاب الراجل غيتها

و لا بِيسعش الكون فرحتها

لو بسببها يشوف أهوال

أبصر مين معرفش أوحلها

و أبسط كلمه بتقلب حالها

و زي عادتها مافيش على بالها

غير وهم و خرافات وأسألها

إيه أول حاجه بتعملها

لو مره الراجل أهملها؟

هتجاوبك على طول بلسانها

جري بروح لأقرب دجال

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern