حوا حبيبتي - الأكثر قراءة

الست يارب تخليها

الزيارات: 845
تعطيل النجومتعطيل النجومتعطيل النجومتعطيل النجومتعطيل النجوم
 

الـست

الست يارب تخليها

وتخلي حنانها اللي ماليها

وبإيد الراجل وإديها

تـتملي بالخير الأرض

الـست

الست دي نص الدنيا بجد

الست دي أم وأخت

الـست حبيبه وبنت

وإن كنت أنا فيها غلطت

فآديني ياناس قررت

وخلاص بالعـشره بصمت

مش هغـلط تاني ف سـت

والنار القايده هطـفيها

السـت

الست يارب تخليها

دا مافيش حكيوة بنحكيها

من غير ولا ست ف وسطيها

ولا سكه نفكر نمشيها

من غير ما بست بِننهِيها

دي الست منين ما نروح

وف كل مكان نلاقيها

ليها نظره ترد الروح

والدنيا بحالها تحليها

وإن كان ف القلب جروح

يا بسرعه تحاول تداويها

أو قبل ما تنزف تكويها

الست

الست يارب تخليها

على قد ما تقدر بتساعدك

ولا تلقى راحتها إلا ف راحتك

بيت أبوها تسيبه عشان خاطرك

والدنيا بحالها بما فيها

الست بتمسح .. ليك

لو تبكي بإيدها دموعك

تقلق لو غبت .. عليك

وبتطمن برجوعك

تطبخ لجل ماترضِيك

تضايقها تموت من جوعك

واللحمه تاكلها لوحديها

السـت

الست يارب تخليها

الست دي نص الدنيا الحلو

وأكتر مخلوق حساس

وتغور العيشه دي لو

رجاله وبس الناس

فأنا ناوي أجاري الجو

ومغلطش ف ست خلاص

وهقول لشيطان السو

الست دي فوق الراس

إنما برضك هأو

همنعها تجيب أكياس

لا ف يوم تلاقوني مدبوح فيها

السـت

الست يارب تخليها

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern