حوا حبيبتي - الأكثر قراءة

أبي فوق الشجرة

الزيارات: 728
تعطيل النجومتعطيل النجومتعطيل النجومتعطيل النجومتعطيل النجوم
 

رجاله بدون جواز شبابيك من غير إزاز  كان هذا هو الدليل الذي ساقته إحدى بنات حواء لكي تثبت أن الرجل دون المرأه لا قيمة له وجعلت من الفيلم مرجعاً تستند إليه لإثبات إدعاءها

آهي جت من تاني ياناس

فاكراني هقول دي ملاك

جت تلعب بالإحساس

و بترمي عليّا شباك

عايزاني أقول خلاص

هنفُك الإشتباك

دا أنا أولع فيها بجاز

و أخلي اللِيله هلاك

ما هو بيتنا مافوهش إكياس

أنا أصلي حريص شكاك

و بطبعي كتير حساس

دا أنا شاعر مش سباك

 

و دي جايّه بكل إيجاز

بتقولي كلام لو جاز

أنا كنت أقول إعجاز

و أعتبره كمان إنجاز

و أتاري دا كله مجاز

و بجد و بالإخلاص

من غير متقول مياس

أو جاي و شارب كاس

ده كان إعلان جواز

المخرج ليه أجاز

كام واحده لوح إزاز

ماكنوش لاقيين شبَّاك

 

جايبالي دليلها الفيلم

مش برضه دي حاجه تغُم

خلوها تفوق م الحلم

و ثقافة نص الكم

أنا عايزُه دليل بالعلم

مش ترمي كلامها السم

وتفوَّر يعني الدم

حد يفكرها ياعم

لتكون فاكراني بخُم

مش برضُه حليم م الهم

وعـشان قلبه اللي إنداس

غنى مشيت ع الأشواك

 

أو روحوا الفيلم هاتوه

إفتكروا لو نستوه

دا يا عيني الواد و أبوه

مع نفس الست لقوه

جيبوا أي تاريخ إقروه

و قوليلي يا خلق يا هوه

مين فرق أخ و أخوه؟

و إوعوا شمشون تنسوه

و معايا ياريت تواسُوه

و زيي يارجاله عاهدوه

عن حقك مش هنتوه

ده ضروري و أمر أساس

و لا ناخد قبله عزاك

 يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern