حوا حبيبتي - الأكثر قراءة

كلام رجالة

الزيارات: 1613

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

بعد ما دماغي وجعتني في الكلام حوالين الإختلاف الجوهري بين الراجل والست وإن الراجل طبعاً أجدع من الست وبعد أن إشتد النقاش وأحتدم الخلاف وجدتها تهددني بأنها ستشكوني للقاضي وستستعين بدادي الذي يعمل بالداخليه وسترسل في طلب خالها لكي يتم تسوية الأمر بيني وبينهم والغريبه أنها لم تطلب العون من بني جنسها وبصراحه عندها حق – مافيش أحسن من كلام الرجاله

بتقول دادي

و تقول قاضي

و كمان خال

أما خناقه صحيح ع الفاضي

مش دُولا برضه تلاته رجال؟

و لا يجوز مش واخد بالي

و لا أقولك طب وأنا مالي

أحسن كدا خليني ف حالي

أنا عارف كان راجل خالي .. و كان أبويا بيلبـس جلابيه

كانوا بجد مقامهم عالي .. مش دادها بتاع الداخليه

دا أنا بكتبها و أنا مكسوف .. و دي بتقولها ع المكشوف

و اللي يعيش ياما لسه يشوف

 

إعملوا فيّا يا ناس معروف

وصوها على غيري تلوف

أصلها فاكره هموت م الخوف

بس دا بُعدك

مش هسكتلك

دا أنا معجون بكلام و حروف

بكتب يعني ف أي ظروف

أمر طبيعي و شئ مألوف

و حقيقه محدش ينكرها

الأسماء مين إتعلمها؟

مين علِّم حـوا و فهمها؟

لولا آدم كان يبقى لسانها

سـلاكه يدوبك لسنانها

بس ياريته ما كان عَلمها

دي مسكتتش يا ناس من يومها

و ياريت كان له فايده كلامها

دا مافيش حاجه بتشغل بالها

غير آخر تسريحه و آخر

نوع بارفان صاحبـِتها الفاخر

و لا ترتاح غير لو نتناقر

و أول ماتحسني هغلبها .. تنزل زى المطره دموعها

المواضيع كلها تقفلها .. و تهددني تجيب قرايـبها

و آديكُم شايفين بجاحِتها

بِتقول دادي

و تقول قاضي

و كمان خال

أما خناقه صحيح ع الفاضي

مش دُولا برضه تلاته رجال؟

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern