حوا حبيبتي - الأكثر قراءة

ست ذكية

الزيارات: 634
تعطيل النجومتعطيل النجومتعطيل النجومتعطيل النجومتعطيل النجوم
 

حين حاولت إحدي بنات حواء الإدعاء بأن المرأه أذكي من الرجل الذي وصفته في قصيدة وجهتها لي بالغباء لقيت الدم غلي في عروقي وبصراحه ماأستحملتش قال الست أذكي من الراجل قال - ياأخي هع

آخر نكته

لسه قاريها قبل شويه

طلعت غصبن عني الضحكه

إكتشفوا قال ست ذكيه

جيش و مطافي حاصروا الحته

و إعتبروا المنطقه أثريه

و إتاري الموضوع كان كدبه

و فكره م الستات خرافيه

و إشاعه إنتشرت على سهوَّه

مش عارفينها منين دي جايه

فيلم من الأفلام الساقطه

من إخراج الـست وليّه

شوفتُه وكنت هموت م الخضه

و مصدقتش حتى عنيّا

عاملين الستات قال خطه

لجل ما يقضوا عليك وعليّا

عايزين يخدوا كل السُلطه

و الرجاله يِبقوا هفيّه

نبتدي نعمل إحنا السَلطه

و الدقّه عـَشان الملوخيه

و كل يومين تطلعلك واحده

عماله تنادي بحُريّه

روحوا يارب تجـيلكُم خبطه

هنجيبهالكوا منين بقى ديّه؟

طيب دا أنا متأكد

و كمان فيه تقارير طبيّه

بتقول إن الست ياسيد

الأيام ديا مناخوليّا

الطبعة اللي بتفهم خلصِّت

و مافيش منها بقيّه

حاجه خلاص إنقرضت

و باقي حاجات هُلاميّه

كانت موضه و قدمِّت

و بدالها إخترعوا العربيّه

و مافيش أجمل بقى م النت

و قعاد ع القهوه بحريّه

يعني خلاص نسيناها الست

و لا ليها أي أهميّه

فأسمعي من تاني إنت وهيّ

و تحت كلامي حُطُم شرطّه

كُتر كلام وياكُم غلطه

و أسبابكم كلها وهميّه

مساواة إيه كفاياكوا أونطّه

و كفايه عَليكوا التقليّه

دا أنتـوا تجيبوا النُقطّه

و إنتوا بداية أي قضيّه

نفسي تجيلكُوا زغطّه

و تخلَّص تار البشريّه

آخر نكته

لسه قاريها قبل شوَيه

طلعت غصبن عني الضحكه

إكتشفوا قال ست ذكيه

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern