حوا حبيبتي - الأكثر قراءة

إياك تتجوز

الزيارات: 435

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

إرجع تاني قواعدك سالم

إياك تتجوز مين عالم

يطلع بختك من نوع مايل

و مهما فضلت تحاول

و تدلّع و تحايّل

برضه هتطلع ظالم

إصحى قوام لو نايم

أنا نبهتك

نفس الغلطه عملتها قبلك

قلت الواجب آجي أقولك

إوعى قرارَّك تخده بقلبك

تمشي طريـق ف بدايته نهايتك

كدا هتخش السجن برجلك

هيطير آخر برج ف عقلك

وإنت بهبلك

تعزِّم كل الناس يوم فرحك

و تجيب كل نجوم الفن

و العاقل فيهم هيصارحك

و يقول الراجل ده أتجن

و أما قَريب هيعدي السن

بعد حبيبي تقوله ياسم

و لاَّ تسيبه لوحده يرن

و أنا مكدبش عليك مش جن

أنا راجل على قد حالاتي

و برضه زمان أنا كنت بظن

هتجوِّز تحلو حياتي

بس مشفتش غير الهم

والبركه في الست مراتي

طـلعـت عيني معاها

معتبراني حماها

صورتي يدوب حطاها

يعني عشان جواها

جرافته جايباها

أرجع بيتي ألقاها

قاعده ومستنيّه

ودماغها رابطاها

ربطه ميه الميه

بالمنديل إياه

كل بنات بحري عارفاه

أسأل إيه ياحبيبتي جرالك؟

إنت إتخيل بقى بخيالك

ردها دايماً ـ ميلة البخت

إشمعنى إنت وبس إخترت

ده أنا قبليك ياما جاني و جاني

كل عريس أحسن م التاني

أعرف إن الـسهره طويله

يادي النيله ـ ـ ـ

مش هنشوف النوم الليله

قال يعني إمبارح شُفناه

ده أحنا سريرنا خلاص بعناه

والإسبوع مابقاش في خميس

بقى خلاويص

إنما ميت مبروك ياعريس

إلحق هِيص

ف الدُنيادي مافيش شئ دايم

إرجع تاني قواعدك سالم

إياك تتجوز مين عالم

يطلع بختك من نوع مايل

و مهما فضلت تحاول

وتدلّع وتحايّل

برضه هتطلع ظالم

 

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern