حوا حبيبتي - الأكثر قراءة

متفرقش

الزيارات: 734

تقييم المستخدم: 0 / 5

تعطيل النجومتعطيل النجومتعطيل النجومتعطيل النجومتعطيل النجوم
 

بصفتها ممثلة لبنات حواء جاءت تهددني بصفتي ممثل لأبناء آدم و فكرت إنها هتمسكني من إيدي اللي بتوجعني لو قالتلي مش بحبك

تحبي و لا متحبيش .. متفرقش

باينك لسه مفهمتيش

أقولك تاني ميضرش

يا ست الست مهما تعيش

على الراجل متشرُطش

فأحسنلك تحبيني

دا هُمَّ يومين و هتليني

و هتجيني تقولي سماح

و جايبه معاكي كيس تفاح

أقولك لأ مش عايز

خلاص تفاح مانيش لامس

خرجت بسببه م الجنه

و شُفت الغُلب مع حوا

فمهما يكون مانيش ساكت

بلا قافيه دا تار بايت

فهمتي القصد إيه ولاَّ

هندخل تاني ف مداوله

خلاص يالاَّ

قوليلي عايزَّه كام جوله

و بالمرَّه

هاتلنا معاكي كام حله

و لو عديتي على غمرَّه

هاتلنا أوطه م الحمرَّه

و كفاياكي كلام بطيخ

عشان آخرك ياحوا طبيخ

و كنس و مسح ما يزيدش

تحبي و لا متحبيش .. متفرقش

باينك لسه مفهمتيش

أقولك تاني ميضرش

ياست الست مهما تعيش

على الراجل متشرُطش

يعلن الموقع عدم مسئوليته عن محتوى هذه القصيده

ويسعى الموقع من خلال هذا الإعلان إلى التعبير عن شديد إحترامه للمرأه وإعترافه بأهمية مكانتها

والموقع ينشر القصيده لإيمانه بحرية الرأي وعلى الشاعر أن يتحمل نتيجة مثل هذه الشطحات الشديدة الخطوره

0
0
0
s2smodern