اللي يغني لحمار
هيقوم م النوم ينهق
و تقوله يس حاااااه
أو شي ما يقولش لأ
و إن غنى للخروف
هيجيله يوم يمأمأ
تطلعله فروه صوف
م العيد للعيد هيحلق
إخيه يادي الكسوف
عمالي بعيني أبحلق
بتمنى و نفسي أشوف
أغنيه بصدق تنطق
مش بس تكون حروف
قبل ما نسمعها نزهق
و نقول مطرب مهفوف
مين سابه يا خلق يتأتأ
دا قريب للحلوف
هيغني بدوب و بعشق
و لاّ يقول مش مكسوف
في جاموسه قلبي إتعلق
يا أخوانا إعملوا معروف
مركبة الفن بتغرق
