بيقولوا عليكي خلاص
حررتي النسوان يا أمينه
فرح الشيطان الوسواس
شيـطانه لاقاها ف وسطينا
حاجه ما يوصفهاش إحساس
و لا مرت على ناس قـَبلينا
وقفوا الستات كاشفين الراس
و بجينز و قالُم صلينا
حتى الرجاله كانوا إنصاص
و دقـُونهم كانت للزينه
قال يعني حقوق المرّه كملت ما بقاش
غير إنك تيجي تإمينا
حرية إيه اللي فهمتيها؟
و الفتوى منين جبتيها؟
و لا أنت كمان راح تفتينا؟
آه يا بنت الإيه يا خبيثه
ما حلتش صلاة الجمعه غير ف كنيسه؟
مكاره صحيح و لئيمه
بس الحركادي قديمه
بكره هتطلعي في السيما
و هتتألف روايات
و هتخدي جوايز و ميداليات
و يقولوا عليكي إمامه
و إنت ف الأصل لمامه
و لا عمرِك هتهمينا
و الله خساره الإسم دا فيكي
و خساره نضيع وقت عليكي
أصل إنت يا إما غبيه
يا تكوني بتستغبينا
إزاي تبقى الحريه
غير شرع الله و نبينا
جبتيها منين يا وليه؟
و دليلك إيه؟ جاوبينا
بيقولوا عليكي خلاص
حررتي النسوان يا أمينه
فرح الشيطان الوسواس
شيـطانه لاقاها ف وسطينا
أقيمت هذه الصلاة في أبريل 2004 في الولايات المتحدة الأمريكية
